Kurdekî Rojavayê Kurdistanê li Swîsrayê bû şampyonê Boksîngê

Li gor zanyariyan, navê wî ciwanê Kurd Ehmed Seîd Mihemed e û xelkê bajarê Dêrikê yê Rojavayê Kurdistanê ye.

Ehmed Seîd ku ciwanekî 18 salî ye, şeva derbasbûyî di werzişa Boksîngê de bû şampyonê hemû kantonên Swîsrayê.

Ew ciwanê ji Rojavayê Kurdistanê ku 16 sal e ligel malbata xwe li Swîsrayê dijî, di lîstika xwe ya doh de Ala Kurdistanê bilind kir.

Ehmed Seîd ji Rûdawê re got, ew bi serkeftina xwe gelek kêfxweş e û wê serkeftinê diyarî xelkê Kurdistanê dike.