Parlamentoya Swêdê pêşnûmeya yasaya dijî terorê pesend kir

Li ser daxwaza Tirkiyê ya ji Swêdê ji bo girtina tedbîrên tundtir di warê têkoşîna li dijî terorê de, wek mercekê ji bo qebûlkirina endametiya Swêdê di NATOyê de, Parlamentoya Swêdê proseyasayeke nû ji bo rûbirûbûna dijî terorê pejirand.

Yasaya ku “endametiya di nava rêxistineke terorê de” qedexe dike, dê 1'ê Hezîranê bikeve warê cibicîkirinê.

Di yasayê de, ji bo endamên rêxistinên terorê û kesên bi rêxistinên terorê re hevrêziyê dikin, heta 4 sal cezayê girtîgehê tê pêşniyarkirin.

Li gorî yasayê kesên ku bi qestî beşdarî çalakiyên terorê dibin, piştgirî, xurtkirin an handana rêxistina terorê dikin, herî zêde bi 4 sal cezayê girtîgehê tê cezakirin.

Eger şert û mercên giran hebin, ev ceza herî kêm du sal û herî zêde jî heşt sal têne zêdekirin.

Di dema ku Fînlanda di meha Nîsana borî de tevlî NATOyê bû, Tirkiye hîna jî red dike ku ronahiya kesk bide Swêdê û wê tometbar dike ku ew penageha “terorîstan” e û endamên Partiya Karkerên Kurdistanê (PKK) dihewîne.