Bozdag: Divê Amerîka wan çekan kom bike!

Cîgirê Serokwezîrê Tirkiyeyê û Berdevkê Hikûmetê Bekir Bozdag di televizyona 24 TV'yê de di derbarê hevdîtina bi telefonê ya Serokomarê Tirkiyeyê Recep Tayip Erdogan û Serokê Amerîkayê Donald Trump de axivî û ew hevdîtin wekî ‘xaleke dîrokî' bi nav kir.

Bozdag diyar kir ku Tirkiye wê daxuyaniya Trump ya di warê çeknedayînê de bişopînin û dest nîşan kir ku divê çekên ji bo YPGê hatine dayîn jî werin komkirin. Bozdag got, "Daxuyaniya Trump a ‘Em ê çekan nedin' gelekî girîng e, lê ger tenê bi gotinê bimîne hîç qedrê wê tune ye. Divê Amerîka çekên daye YPGê kom bike, em gotinên wan dişopînin."