Wezareta Parastinê ya Tirkiyê amarên êrişên şeva borî eşkere kirin

Wezareta Parastinê ya Tirkiyeyê li ser hesabê xwe yê medya civakî amarên şeva borî yên derbarê êrişên xwe yên li Rojavayê Kurdistanê yên di bin kontrola Hêzên Sûriyeya Demokratîk (HSD) de belav kirin.

Li gorî Wezareta Parastinê ya Tirkiyeyê hêzên wan şeva din heta serê sibehê armancên YPGyê yên li deverên operasyonê yên "Mertala Firatê", "Çiqlê Zeytûnê" û "Kaniya Aştiyê" bombebaran kirine.

Wezaretê îdia kir ku herî kêm 14 şervanan di êrişên wan de canê xwe ji dest dane.

Wezareta Bervaniyê ya Tirkiyeyê dîmenên beşek ji êriş û topbarana xwe ya şeva borî jî belav kirine.

Di dîmenan de Hêzên Çekdar ên Tirkiyê bi tank û topên obûs û firokeyan bi giranî navçeyên HSDyê bomberan dikin.

Lê Hêzên Sûriyeya Demokratîk (HSD) heta niha îdiayên Tirkiyeyê piştrast nekiriye ku 14 şervanên wan canê xwe ji dest dabe.

Herwiha HSDyê ragihandibû ku wan çend êriş wekî bersiv li dijî hêzên Tirkiyeyê yên li navçeyê pêk anîne.