Îranê sê girtiyên Kurd îdam kirin
Sê girtiyên Kurd li girtîgeha navendî ya bajarê Urmiyeyê yê Rojhilatê Kurdistanê hatin bidarvekirin.
Li gorî çavkaniyên xwecihî, sê girtiyên Kurd ên bi navên Elî Şahîn Nejad, Solet Tusen û Can Elî Nedîmî îro hatin îdamkirin.
Herwiha hat zanîn ku Elî Şahîn Nejad xelkê gundê Pêsanayê yê navçeya Tergewerê ye, Solet Tusen xelkê gundê Qişlaqayê yê navçeya Terziliyayê û Can Elî Nedîmî jî xelkê gundê Pîrancixayê yê navçeya Somayê ye.
Ew her sê girtî bi tohmeta qaçaxçîtî û bazirganiya madeyên hişbir hatibûn girtin û dadgehê biryara îdamkirina wan dabû.
