Êrişî baregeha Amerîkayê hat kirin: 3 kuştî û 25 birîndar
Li Urdunê, li nêzîkî sînorê Sûriyeyê, bi dronan di êrişî baregeheke Amerîkayê hat kirin û di encamê de leşkerên Amerîkayê canê xwe ji dest da.
Herwiha di encama wê êrişî de 25 leşker jî birînda bûn.
Serokê Amerîkayê Joe Biden soza tolhildanê da.
Fermandariya Navendî ya Amerîkayê derbarê êrişê de daxuyaniyek da û ragihand:
“3 leşkerên Amerîkayê li nêzîkî sînorê Sûriyeyê di êrişa bi dronan de canê xwe ji dest da û 25 kes jî birîndar bûn.”
Di daxuyaniyê de hat diyarkirin ku di şerê Îsraîl û Hemasê de cara ewil e leşkerên Amerîkayê “di encama êrişa dijmin de” jiyana xwe ji dest da.
Biden soza tolhildanê da
Serokê Amerîkayê Joe Biden jî komên çekdar ên Îran bi êrişê tohmetbar kir û soza tolhildanê da.
Biden di daxuyaniya xwe de got:
“Bila ti gumana we nebe, em dê ji hemû berpirsyaran bi awayê ku em dixwazin hesap bipirsin.”
