Rewşa Kerkûkê demkî ye...

Partiyên Tirkmenî yên Herêma Kurdistanê, ji pêkhateyên Kerkûkê daxwaz dikin ku rê nedin rewşa bajar têk here. Serokê Partiya Gel a Tirkmenî Irfan Kerkûkî dibêje: "Pêkhateyên Kerkûkê bi taybetî xelkê tirkmen, aştîxwaz in û pêkvejiyanê dixwazin. Ji ber vê yekê em weke partiyeke tirkmenî daxwaz dikin ku xelkê me pêkvejiyanê biparêzin û dîroka xwe jibîr nekin."

Herwiha Serokê Partiya Demokrat a Tirkmenî ya Kurdistanê Dilşad Çawişlî jî got: "Ev rewşa ku bi ser Kerkûkê de hatiye, rewşeke demkî ye. Ji ber vê yekê em ji xelkê xwe û tirkmenan daxwaz dikin ku nebin alîgirê vê rewşê û hewl bidin xelkê biparêzin û biratiyê bihêz bikin."

Serokê Komeleya Lîberalên Tirkmenan Samî Ehmed Şebek jî di axaftina xwe de got: "Em dizanin armanca pêkanîna Haşdî Tirkmenî çi ye. Loma ji Tirkiyeyê daxwaz dikin ku cardin siyasetên xwe yên li hember Kerkûk û tirkmenan li ber çavan derbas bike. Ev rewşa Kerkûkê ne di berjewendiya tirkmenan de, ne jî di berjewendiya Tirkiyeyê de ye."