Dadgeha Bilind cezaya Bekir Kaya erê kir

Hat diyarkirin ku 1emîn Dadgeha Cezayên Giran a Wanê ji bo Bekir Kaya, Cuneyt Caniş, Velî Avcî, Nezahat Erguneş, Halis Çakir û Metîn Adugit 8 sal û 9 meh, ji bo Mehmet Şîrîn Yildiz, Murat Durmaz, Îhsan Guler, Abdulkerîm Sayan, Mîhrîban Şah û Derviş Polat 7 sal û 6 meh û ji bo Hecer Sarihan jî 6 sal û 3 meh cezayê girtîgehê dabû.

Her wiha Dadgehê biryara girtina 11 kesên ku dihatin darizandin jî dabû.

Di Berfanbara 2021an de 8 sal û 3 meh cezaya girtîgehê ya Bekir Kaya bi îdiaya "endamê rêxistina terorê ye" ji aliyê Dadgeha Bilind ve hatibû erêkirin. Kaya ji 6 salan zêdetir e di girtîgehê de ye.