Erzerom: Otobûseke rêwiyan qulibî: 3 mirî, 22 birîndar

Li ser rêya di navbera Xorasan û Erzeromê otobûseke rêwiyan ji rê derket û qulibî.

Li ser agahdarkirinê tîmên tenduristiyê, polîs, cendirme û parastina sivîl çûn cihê bûyerê.

Tîman camên otobûsê şikandin û rêwîyên ku di otobûsê de asê mabûn rizgar kirin.

Hat diyarkirin ku rêwiyê bi navê Turan Çagriboga li cihê bûyerê canê xwe ji dest da.

Tîman 22 kesên birîndar veguhestin Nexweşxaneya Dewletê ya Xorasanê.

Tevî hemû hewldanên bijîşkan Nejlem Veliyeva û Nezahat Bayramê li nexweşxaneyê canê xwe ji dest da.

Li gorî agahiyan 22 rêwiyên birîndar li nexweşxaneyê tên dermankirin.