Ji bo 7 parêzgehên Bakurê Kurdistanê hişyariya lehiyê

Ligel dawiya meha Hezîranê ye li seranserê Tirkiye barîna baranê berdewam e û li çend deveran bandoreke nerênî li ser jiyana xelkê dike.

Saziya Keşnasiyê ya Tirkiye ragihand roja Şemiyê 24ê Hezîrana 2023an li parêzgehên Qers, Erdexan, Agirî, Idir, Mûş, Wan û Colemêrgê yên Bakurê Kurdistanê dê baraneke gur bibare û divê tedbîrên pêwîst bên wergirtin.

Li gor daxuyaniya saziya navborî li piraniya parêzgehên Bakurê Kurdistanê pileya germê 4 pile zêde dibe lê barîna baranê jî berdewam e. Herwiha li çend parêzgehên Tirkiye jî zêdeyî hefteyekê ye baran dibare û bandoreke nerênî li jiyana welatiyan kiriye.

Aliyên peywendîdar hişyarî dane ku welatî di çûnûhatinê de li gor tedbîrên hatine wergirtin tevbigerin.