Li Amedê di bûyereke trafîkê de 4 kes birîndar bûn

Li ser rêya navbera Amedê û Farqînê şevê din derengiya şevê, li taxa Cumhuriyetê ya ser bi navçeya Yenîşehîr a Amedê minîbusekê li otomobîla pêşiya xwe da û di encamê de 4 kes birîndar bûn.

Ji ber hêza lihevdana otomobîlan, minîbus ji rê derket û otomobîla din jî çû nav marketêke li kêleka rê. Dîmenên vê kêliyê ji aliyê kameraya marketê ve hatine tomarkirin.

Li ser agahdarkirinê, tîmêm tendirustiyê bo cihê bûyerê hatine şandin û birîndar veguhestine nexweşxaneyên bajêr.

Li gorî agahiyan tendirustiya birîndaran baş e.