Li Amedê êrîşa çekdarî: 3 birîndar

Doh Yekşemê derengê şevê li Taxa Kaynartepe ya Rezanê, 4 kesên bi maske bi çek êrîşî çayxaneyekê kirin. Di encama gulebaranê de 3 kesên li çayxaneyê birîndar bûn.

Li ser agahdarkirinê tîmên tendirustiyê û polîs bo cihê bûyerê hatin şandin. Her 3 birîndar ji aliyê tîmên tendirustiyê ve bo nexweşxaneyê hatin veguhestin.

Polîs derbarê bûyerê de lêpirsîn da destpêkirin û ji bo desteserkirina êrîşkaran xebat hat destpêkirin.