Li Bakurê Kurdistanê hişyariya baranbarînê û lehiyê

Rêveberiya Keşnasiya Tirkiyê, rapora xwe ya pêşbîniyên keşûhewayê ya rojane belav kir.

Li gorî rapora keşnasiyê îro 13ê Nîsanê 2023ê li seranserî Tirkiyê baran dibare û li hinek deveran jî hêza baranbarînê dijwar dibe.

Li gor pêşbîniyên keşnasiya Tikriyê, bi taybet li parêzgehên Bedlîs, Şirnex, Colemêrg, Sêrt, Êlih, Wan û Amedê yên Bakurê Kurdistanê dê baranek dijwar bibare.

Herwiha dê bi sedema baranbarînê pileyên germê jî dakevin.

Derbarê egera lehiyê de, bilindbûna ava çeman û girtina rêyan de jî hişyarî hatine dayîn û ji welatiyan hatiye xwestin ku tedbîrên xwe werbigrin.

Di heman demê de li gor pêşbîniyên keşnasiyê dê ne tenê îro sibe 14ê Nîsanê jî li Bakurê Kurdistanê baranbarîn berdewam dibe.