Wezareta Karên Navxwe ya Tirkiyeyê doh êvarî qeyûm tayînî Şaredariya Dêrsim û Şaredariya Pilûrê ya Dêrsîmê kir.
Li parêzgeha Dêrsimê ya Bakurê Kurdistanê hemû cure xwepêşandan, meş, civîn û mîtîng 10 rojan hatin qedexekirin.
Her wiha li parêzgeha Xarpêtê jî hemû cure xwepêşandan, meş, civîn û mîtîng 10 rojan hatin qedexekirin.
Parêzgariya Dêrsimê bi daxuyaniyeke nivîskî bal kişande ser danîna qeyûman û ragihand, li tevahiya parêzgehê hemû cure xwepêşandan, meş, civîn û mîtîng heta 1ê Kanûna Pêşîn a 2024an hatine qedexekirin.
Parêzgariyê îdia kir ku biryar ji ber “dabînkirina aramî û ewlehiya raya giştî, rêlibergirtina tawanan û parastina maf û azadiya kesên din” hatiye dayîn.
Li gorî biryara parêzgariyê daxuyaniyên medyayê, xwenîşandan, çalakiyên rûniştinê, mîtîng, vedana konan, kampanyayên îmzeyan, vekirina standan, merasîmên biaxspartinê, bîranîn, şahî, konser û hemû çalakiyên bi vî awayî ji ji 22yê Çiriya Paşîn heta 1ê Kanûna Pêşîn hatin qedexekirin.
Li gorî biryara parêzgariyê, tenê çalakiyên ku parêzgarî û qeymeqamî destûrê bidin dikarin bên kirin.
Parêzgariya Xarpêtê jî bi daxuyaniyeke nivîskî diyar kir ku li tevahiya parêzgehê hemû cure xwepêşandan, meş, civîn û mîtîng ji 23yê Çiriya Paşîn heta 29ê Çiriya Paşîn hatine qedexekirin.
