Li Dêrsimê ‘Konferansa Komkujiya Dêrsimê û Seyîd Riza’ hat lidarxistin

Konferansa “Komkujiya Dêrsimê û Seyîd Riza” ye li Dêrsima Bakurê Kurdistanê bi rê ve çû.

06.05.2024, Pts - 10:17

Li Dêrsimê ‘Konferansa Komkujiya Dêrsimê û Seyîd Riza’ hat lidarxistin
Nuçe Belav bike

Weqfa Çand û Lêkolînên Kurdî (KURT-KAV) ji bo 87emîn salvegera biryara Komkujiya Dêrsimê ku 4ê Gulana 1937an ji aliyê Encûmena Wezîran a Tirkiyê ve hat dayîn û wekî roja destpêkirina komkujiyê tê qebûlkirin, li wî bajarî konferansek li dar xist.

Konferansê bi axavtina Serokê KURT-KAVê Mehmet Celalettîn Baykara dest pê kir.

Dr. Yalçin Çakmak, Dîroknas û nivîskar Mahmut Akyureklî û lêkolîner û nivîskar Cemal Taş li ser Komkujiya Dêrsimê û bûyerên berî û piştî komkujiyê gotarên xwe pêşkêş kirin.

Dîroknas û nivîskar Mahmut Akyureklî li ser dîroka Komkujiya Dêrsimê, Komkujiya Koçgiriyê û pêvajoya Komkujiya Dêrsimê axivî.

Ji bilî Dêrsimiyan ji bajarên din jî hejmarek kes û siyasetmedarên Kurd beşdarî konferansê bûn.

Serokê HAK-PARê Duzgun Kaplan, Serokê Partiya Welatparêzên Kurdistanê (PWK) Mustafa Ozçelîk û Rêveberê Partiya Sosyalîst a Kurdistanê (PSK) Riza Katurman jî li ser Komkujiya Dêrsimî axivîn.

Xebatên vekirina Weqfa Çand û Lêkolînên Kurdî (KURT-KAV), bi armanca lêkolînên li ser çand û edebiyata Kurdî sala 1992an ji aliyê 98 rewşenbîr, nivîskar û siyasetmedaran hat destpêkirin.

Piştî biryara dadgeha bilind a sala 1996an bi fermî damezrandina wê hat qebûlkirin.

KURT-KAV, piştî avakirina Komara Tirkiyeyê yekem saziya fermî ye ku bi navê Kurd hatiye avakirin û qebûlkirin.

 

Vî nûçeyê tevayî: 209 kes dît.
Rojanekirina Dawî:02:02:56
Ji vî neweşînê ra tu şirove nehatîye nivîsandin! Tu dixwazî şiroveya ewil binivîsî?
Nerina Azad
x