Li Rihayê minûbûsa karkeran û barhilgir li hev qelibîn: 21 birîndar hene

Li gor zanyariyan roja Dûşemê 12ê Hezîrana 2023an li navçeya nêzîkî taxa Aycanatê ya navçeya Girê Sor a Rihayê minûbûsa karkerên çandiniyê û barhilgirek li hev qelibîn.

Di encama bûyerê de 21 kes birîndar bûn. Rewşa 3 ji wan birîndaran dijwar e.

Li ser agahdarkirinê tîmên tendirustî çûn cihê bûyerê û birîndar bo Nexweşxaneya Dewletê ya Girê Sor veguhestin. 3 birîndarên ku rewşa wan giran, piştî midaxaleya destpêkê bo Rihayê hatin şandin.

Hêzên ewlekariyê jî derbarê bûyerê de lêkolîn dan destpêkirin.