Li Xarpêtê erdhej

Li Bakurê Kurdistanê, piştî erdheja Mereşê ya 6ê Sibatê erdhejên paşekî berdewam in. Rêveberiya Karesat û Rewşên Bilez (AFAD) ragihand, li navçeya Xoxê ya Xarpêtê erdhejek bi pileya 4.6 çêbû.

Li gor zanyariyên AFADê belav kirin, 20ê Nîsanê demjimêr 01:44 li navçeya Xoxê bi pileya 4.6 û di kûrahiya 11 kîlometreyan de erdhejek çêbû.

Parêzgariya Xarpêtê ragihand: “Piştî erdhejê heta demjimêr 01:58an derbarê zerarê de ti zanyariyek nehatiye tomarkirin. Hemû şaxên me li bajarê me bandorên erdhejê ji nêzîk ve dişopînin.”