Rıha: Hevjîna xwe ya ducanî bi çifteya nêçîrê kuşt

Li gorî agahiyan, doh bi şev li gundê Çomlekçiyê yê navçeya Kaniya Xezalan, di navbera jina bi navê Fîdda Uzun a ducanî û hevjînê wê yê bi navê Ahmet Uzun de nîqaş derket.

Piştî ku nîqaşa di navbera wan de gur bû Ahmet Uzun bi çifteyê hevjîna xwe ya ducanî kuşt.

Li ser agahdarkirinê cendirme û tîmên tenduristiyê çûn cihê bûyerê.

Tîmên tenduristiyê termê Fîdda Uzuna ducanî ji bo karên otopsiyê bir morga nexweşxaneya bajêr.

Ahmet Uzunê 24 salî tevî çifteyê di baxçeyê mala xwe de hat desteserkirin.

Tê gotin ku Ahmet Uzun di îfadeya xwe ya li Fermandariya Cendirmeyan ya Navçeyê de gotiye:

“Dema min çifteya xwe paqij dikir gule li hevjîna min ket.”

Li aliyê din, derbarê bûyerê de lêpirsîn hatiye despêkirin.