Serokê Giştî yê PÎA Ehmet Kaya û 5 siyasetmedarên Kurd hatin girtin

Hevşaredarê berê yê şaredariya Erxeniyê û Serokê Giştiyê Partiya Însan û Azadiyê Ahmet Kaya, roja 8’ê Hezîranê tevî hevşaredarê berê yê Erxeniyê Ramazan Kartalmiş û çar cîgirên serokên şaredariya Erxeniyê hatibûn binçavkirin.

Rêveberiya Ewlehiyê ya Diyarbekirê duh piştî ku îfadeya wan wergirtibûn, her 6 siyasetmedarên Kurd şandibûn Dadgeha Diyarbekirê.

Her şeş siyasetmedar, bi tometa ku navbera salên 2014-2019 beşdarî çalakiyên neyasayî bûne, bi tometa endamtiya rêxistina terorê hatin zîndankirin.