Fraksiyona PDKê di daxuyaniyekê de ragihand, Serokwezîrê Iraqê Mihemed Şiya Sûdanî pêşwazî li serok û endamên Fraksiyona PDKê kir û gotûbêj li ser çend mijarên giring hatin kirin, ji wan jî:
Yekem: Peywendiyên di navbera Hikûmeta Herêma Kurdistanê û Hikûmeta Federal de bi giştî û tekezî li ser pabendbûna wan li ser rêkeftinên ku di vê derbarê de hatine kirin, ku girêdayî berjewendiyên Herêma Kurdistanê ne.
Duyem: Pirsa bûdce û mûçeyên Hikûmeta Herêma Kurdistanê û biryarên Dadgeha Federalî derbarê mûçeyên fermanberên Hikûmeta Herêma Kurdistanê ku ne hevtayê destûrê ne û herwiha pişka Herêma Kurdistanê di bûdceya giştî de.
Sêyem: Tekezîkirina li ser post û mafên Herêma Kurdistanê di postên leşkerî û ewlehî de, ji wan dezgehên ewlekariya niştimanî, istixbarat, dijeteror, cîgirên wezaret û desteyên serbixwe.
Çarem: Tekezî li ser pesendkirina yasayên girîng ên di rojeva kabîneya Sûdanî de û şandina wan ji bo Parlamentoya Iraqê, ji wan jî yasaya federalî û Encûmena Federal.
Pêncem: Berçavgirtina pişka Partiya Demokrat a Kurdistanê (PDK) di Encûmena Nûneran de, wek mezintirîn fraksiyona Kurdistanî.
Şeşem: Mafên Herêma Kurdistanê di derman û çareseriyan de, yên taybet bi Wezareta Tendirustiya Herêma Kurdistanê ve.
Heftem: Zêdekirina hejmara kesên ku çavdêriyê di tora civakî li Herêma Kurdistanê de dikin û herwiha qerebûkirina kesên ku di bombebarankirina sînoran de jiyana xwe jidest dane.
Heştem: Hêsankirinên bo kompanyayên veberhênanê yên li Herêma Kurdistanê û reftarkirina ligel wan weke kompaniyên din ên iraqî.
Nehem: Xerckirina qerebûyên welatiyên Herêma Kurdistanê yên têkildarî daxwazên milkiyetê.
Dehem: Dana semad, pêdiviyên çandiniyê û alavên çandiniyê bi Herêma Kurdistanê, wek cotkarên din ên Iraqê.
Yazdehem: Vekirina şaxên bankên çandinî û pîşesazî li Herêma Kurdistanê.
Duwazdehem: Teqezkirina li Rêkeftina Şingalê.
Sêzdehem: Naskirina zanîngeh û peymangehên din ên Herêma Kurdistanê û Borda Kurdistanê ya ser bi Wezareta Xwendina Bilind û Lêkolînên Zanistî ve.
Çardehem: Bileznekirina derbarê biryarên girtina ofîsên nûneratiyên Wezareta Perwerdeya Federal li parêzgehên din ên Iraqê de.
Pazdehem: Teqezî li ser yeksankirina tîmên Hikûmeta Herêma Kurdistanê li gel tîmên din ên iraqî.
Şazdehem: Girîngîpêdana bi navçeyên madeya 140.
Heftehem: Me daxwaz ji Serokwezîrê Iraqê kir ku xwediyên dukanên ku ji ber şewata bazara Lengê ya Hewlêrê ziyan dîtine, qerebû bike.
