Hewlêr û Bexda li ser pirsa petrolê lihev kirin

Wezîrê Petrolê yê Iraqê Samir Xezban piştî civîna bi şanda Hikûmeta Herêma Kurdistanê re li Bexdayê di konferanseke rojnamevanî de ragihand, di civînê de guftûgo derbarê amadekirina projeyasaya budceya sala 2020an de hatin kirin.

Tekez kir jî, rêkeftina petrolê di navbera herdu aliyan de li ser xalên girîng bû û di vê derbarê de gihîştine rêkeftinê.

Hevdem jî, Wezîrê Pilandananê yê Iraqê di daxuyaniyeke rojnamevanî de ragihand, civîna wan bi şanda Hikûmeta Herêma Kurdistanê rem encamên wê yên erênî hebûn û li ser piraniya pirsan karên bingehîn hatin kirin.

Aşkere kir jî, hefteya bê dubare dicivin, ji bo bigihin dawî rêkeftin li ser pirsan û got: Rêkeftin ji roja 01. 01. 2010an dikeve warê bicihkirinê.

Diyar kir jî, li gor rêkeftinê, Hikûmeta Herêma Kurdistanê birê 250 hezar bermîl petrol rojane radestî Bexdayê dike.