Hikûmeta Herêma Kurdistanê li ser êrîşên Îranê daxuyanî da

Di daxuyaniya Hikûmeta Herêma Kurdistanê de tê gotin, “Em bi awayekî herî tund êrîşa şeva bihorî ya Komara Îslamî ya Îranê bo ser Herêma Kurdistanê şermezar dikin.”

Hikûmeta Herêma Kurdistanê dibêje, “ti hincetek ji bo binpêkariya berdewam a serweriya Iraqê û Herêma Kurdistanê ji aliyê Îranê ve tune ye û binpêkirineke aşkere û zelal a qanûn û hiqûqa navdewletî û pêwendiyên cîratiyê ye.”

Di beşeke din a daxuyaniyê de, Hikûmeta Herêma Kurdistanê daxwaz ji Îranê dike, “vê kampîna li dijî Herêma Kurdistanê rawestîne, çimku aramî qet bi rêya tundûtîjiyê ve nayê bidestxistin.”

Hikûmeta Herêma Kurdistanê herwiha daxwaz ji “dost û hevbeşên xwe yên di Hikûmeta Federal de, Neteweyên Yekbûyî û civaka navdewletî dike, helwestekî zelal û aşkere li bermaber êrîşên berdewam ên Îranê nîşan bidin.”