Serok Barzanî û Serokwezîrê Îraqê civiyan

Roja Pêncşemê, 9ê Mijdara 2023ê, Serok Mesûd Barzanî li Pîrmamê pêşwaziya Serokwezîrê Îraqê Mihemed Şiya Sûdanî kir.

Di wê civînê de, Cîgirên Serok Barzanî Nêçîrvan Barzanî û Mesrûr Barzanî, Fazil Mîranî, Hişyar Zêbarî û Mihemed Mehmûd amade bûn.

Êvara îro roja Pêncşemê, 9ê Mijdara 2023ê, Serokwezîrê Îraqê Mihemed Şiya Sûdanî bi serdanekê gehişt Herêma Kurdistanê û li Balafirxaneya Navneteweyî ya Hewlêrê ji aliyê Serokwezîrê Herêma Kurdistanê ve pêşwaziya wî hat kirin.

Serokwezîrê Îraqê bi hevaltiya Cîgirê Serokwezîrê Îraqê û Wezîrê Derve yê Îraqê Diktor Fuad Husên û çend berpirsên din ên Îraqê serdana Herêma Kurdistanê kiriye.