Li gorî ragihandina K24'ê, sibê (11.10.2023) merasîmeke taybet di çileya şehîdbûna 4 welatiyên Kurd di xwepêşandanên 2ê Îlonê yên Kerkûkê de tê kirin.
Roja 02.09.2023an welatiyên Kerkûkê li dijî girtina rêya Kerkûk-Hewlêrê dest bi xwepêşandaneke aştiyane kirin. Lê 4 welatiyên Kurd ji aliyê hêzên ewlehiyê ve hatin kuştin û bi dehan xwepêşander jî birîndar bûn.
Di wê xwepêşandanê de, 4 welatiyên Kurd yên bi navên Hawkar Ebdullah, Heval Star, Semed Mihemed û Hisên Sabîr hatin kuştin û 15 welatiyên din jî birîndar bûn.
Her çend piştî wan bûyeran, Serokwezîrê Iraqê û parlamentoya Iraqê biryar dan ku komîteyeke lêkolînê ji bo eşkerekirina rastiya bûyeran û sizakirina binpêkeran pêk bînin, lê heta niha ti encamên lêkolînê bi fermî nehatine ragihandin, derbarê kesên ku bûne sedema şehîdbûn û birîndarbûns xwepêşanderên Kerkûkê de jî, rêkarên yasayî nehatine girtin.
Berdevkê Hikûmeta Herêma Kurdistanê Pêşewa Hewramanî di 04.09.2023an de ragihand: “Serokwezîr Mesrûr Barzanî ferman daye Wezareta Karûbarên Şehîdan û Qurbaniyên Enfalê, da ku serederiya şehîdan bi qurbaniyên bûyerên 2ê Îlonê yên li Kerkûkê re bikin û her alîkariyeke tendirustî ji bo dermankirina birîndaran bikin.”
