Fermandarê YPG'yî: Dema qedandina operasyona Reqqa ragihand

Fermandarê YPG’ê Heval Gabar axaftina xwe yê Reûters'ê de dîyar kir ku wan nîvê Reqa ji destê çekdarên Dewleta Îslamî (DAIŞ) sitandîye û ew li her alîyê bajêr bi pêşde diçin.

Gabar da zanîn ku wan giranîya operasyonê daye ser taxên Mansûr û Raşîd.

Berdevka HSD’ê Cîhan Şêx Ehmed ji pêr Çarşemê ji AFP’ê re dîyar kiribû 8 taxên Reqa di bin kontrola hêzên wan de ne û 7 jî hîn di deste DAIŞ’ê de mane.

HSD’e bi piştgirîya hêzên koalîsyonê di meha Hezîranê de dest bi operasyona Reqa kiribû.

Fermandarên HSD’ê û YPG’ê didin zanîn ku jiber êrîşên xwekujî, sekvan û mayînên DAIŞ’ê pêşdeçûna li Reqa giran bûye.

Wekî tê zanîn YPG, li Reqa pêşengîya Hêzên Sûrîya Demokratîk (HSD) ya bi piştgirîya Amerîka dike.