Feysel Yûsif: Desthilatdariya niha ya Sûriyeyê nûnerîtiya hemî Sûriyeyîyan nake

Berdevkê Encûmena Niştîmanî ya Kurd li Sûriyeyê (ENKS) Feysel Yûsif îro (Sêşem, 25.02.2025) taybet ji ajansa K24ê re ragehand, “Divê hemî alî ji bo Kongireya Diyalogê ya Sûriyeyî bên vexwandin.”

Feysel Yûsif amaje jî da, “Rast e ku hin kesatiyên ENKSê ji bo Kongireya Diyalogê ya Sûriyeyî hatibûn vexwandin, lê me ev rengê tevlîbûnê red kir.”

Navbirî herwesa got, “Kongireya Diyalogê ya Sûriyeyî pêngaveke durist nebû, herwesa pirsa Kurdan bi ragehandina wê kongireyê nayê çarekirin.”

Kongireya Diyalogê ya Sûriyeyî her îro civîna xwe kir, paştir di ragehandinekê de amaje da ku, hemî parvekirin û cudabûnan red dike.

Kongireya Diyalogê ya Sûriyeyî herwesa daxwaza bilezkirina pêngavên amadekirina destûrê nû yê Sûriyeyê kiriye û tekez jî kiriye ku, divê ax û gelên Sûriyeyê hevgirtî bimînin.

Kongireya Diyalogê ya Sûriyeyî herwesa ragehand ku, hemî komên çekdar ên Sûriyeyê wekî komên ji-qanûnê-derketî tên hesibandin.

Wê kongireyê pêdivî jî zanî ku, pêxemetî vejandina Sûriyeyê û pêşxistina kertên cuda cuda, sizayên aborî yên li ser Sûriyeyê bên rakirin.