Hevpeymaniya Navdewletî ragihand, operasyona Kampa Holê ya ku ji aliyê Fermandariya Giştî ya Hêzên Ewlekariya Hundirîn a Rêveberiya Xweser bi piştevaniya wan hatiye kirin û ew dê di rawêj û piştgiriya Hêzên Sûriya Demokratîk (HSD)û Asayişê de berdewam bin, ji bo operasyona nav Kampa Holê.
Di daxuyaniyekê de, Hevpeymaniya Navdewletî dibêje, “Operasyona HSD û Asayişa Rêveberiya Xweser ya di nav Kampa Holê de bi piştevaniya me hatiye kirin.”
Li gor daxuyaniya Hevpeymaniya Navdewletî, ew operasyon ji bo rêgirtin li vegera DAIŞê û parastina koçberên kampê ye. Hevpeymaniya Navdewletî teqez kiriye ku ew dê di piştevaniya hêzên HSD û Asayişê de berdewam bin.
Fermandariya Giştî ya Hêzên Ewlekariya Hundirîn a Rêveberiya Xweser roja Pêncşemê 25ê Tebaxa 2022yan daxuyaniyek da û tê de destpêkirina qonaxa duyemîn a Operasyona li Kampa Holê ya Hesekê li dijî şaneyên veşartî yên DAIŞê ragihand.
Di daxuyaniyekê de, Hêzên Ewlekariya Hundirîn (Asayîş) ragihandibûn ku di operasyonê de, 27 endamên DAIŞê hatine girtin û 5 tûnêl hatine dîtin.
