HSD bo Amerîkayê: Eger hun nikarin me biparêzin em bangî firokeyên Rûsya û Sûriyê bikin

Fermandeyê Giştî yê HSDê Mazlûm Kobanî di civîna roja Pêncşemê ya ligel Cîgirê Nûnerê Taybet ê Hevpeymaniya Navdewletî ya Dijî DAIŞê de, gazin ji Amerîkayê kirine, ku di demeke gelekî dijwar de ew bicîh hiştine.

Mazlûm Kobanî di civînê de gotiye: “Ne hun xelkê diparêzin û ne dixwazin hêzeke din were wan biparêze.”

Ew berpirsê HSDê daxwazê ji Amerîkayê dike ku êrîşa Tirkiyê rawestîne yan jî rê bide ew rêkeftinekê ligel hikûmeta Sûriye û Rûsyayê bikin û navçeya dije-firîn bê avakirin daku firokeyên şer ên Tirkiyê nikaribin bi kêfa xwe pêgehan wan bikin armanc.