Di civînê de ku Konsolê Rûsya li Hewlêrê Victor Semakov amade bû, Balyozê Rûsya li Iraqê Maxim Maximov silavên Serokê Rûsyayê Vldimir Putin û Wezîrê Derve û Nûnerê Taybet ê Serokê Rûsyayê bo Karûbarên Rojhilata Navîn gihand Serok Barzanî û tekezî li girîngî û pêgeha Herêma Kurdistanê di siyaseta derve ya Rûsyayê û girîngîpêdana bi pêwendiyên dualî de kir.
Ji aliyê xwe ve, Serok Barzanî spasiya Serok Putin û hikûmeta Rûsyayê kir û pêzanîna wî hebû bo helwesta Serok û Hikûmeta Rûsyayê li hember doza rewa ya gelê Kurdistanê di qonaxên cuda de, pêşwazî li ferehkirin û hevkariya di navbera Herêma Kurdistanê û Rûsyayê de kir.
Her di wê hevdîtinê de, rewşa siyasî û dawî pêşhatên navçê û Sûriyê hatin guftûgokirin û Balyozê Rûsyayê siyaset û stratejiya welatê xwe li hember pêşhat û dawî guhartinên li Sûriyê û herwiha rola Kurd di pêşeroja Sûriyê bi Serok Barzanî ragihand.
Girêdayî bi vê pirsê jî, Serok Barzanî nîgeraniya xwe derbarê pêşeroja gelê Kurd li Sûriyê de û çare pêşkêş kirin û daxwaz kir ku rola Rûsya bo rêgirî û dawîhatina azarên gelê Kurd li Sûriyê hebe, ji bo vê mebestê jî her du aliyan li ser wê yekê hevnerîn bûn ku pêwendî û şêwir berdewam bin.
Pêwendiyên di navbera Herêma Kurdistanê û Bexdayê, çarenivîsa Kerkûkê û pêngavên proseya siyasî ya Herêma Kurdistanê, tewerên din ên wê hevdîtinê bûn.
