Roja civandina kongreya YNKê tê ragihandin

Li gor daxuyaniya Cîgirê Sekreterê Encumena navendî ya YNKê, Zubêr Osman a li ser rûpela facebookê, hevjîna Mam Celal, Hêro Îbrahîm Ehmed û Sekreterê Encumena Navendî ya YNKê Adil Murad doh 3yê Adarê li mala Mam Celal hevdîtinek kirin.

Zubêr Osman da zanîn, Hêro Îbrahîm Ehmed û Adil Murad biryar dane roja 5 vê mehê (sibê) jî hevdîtinê bikin û encamên civînê ji raya giştî re ragihînin.

Rayedarê YNKê diyar kir, di civîna Hêro û Adil Murad de roja lidarketina çaremîn kongireya YNKê hatiye destnîşankirin û dê sibê ji were ragihandin ku tê çaverêkirin beriya hilbijartinê Iraqê yên 12ê Gulanê be.