Amerîka: Em di berevanî kirina Herêma Kurdistanê de dudil nabin

Duh 01.11.2022yê Erebistana Siûdî di raportekî îstixbaratî de aşkera kiribû, xwedê girawî Îran dixwaze ji bo veşartina xwepêşandanên navxwe yên li Îranê êrîş bike ser Hewlêr û Siûdiyê. Vê derbarê de îro 02.11.2022yê Wezareta Derve ya Amerîkayê ragehand, ji bo berevanî kirina berjewendiyên xwe û hevbeşên xwe yên li navçeyê em ti carê dudil nabin.

Berdevkê Wezareta Derve ya Amerîkayê Ned Price di civîneke çapemeniyê de ragehand: ‘’Em ji gefên Îranê nîgeran in, berdewam bi rêya kanalên leşkerî û dîplomatîk û îstixbaratî de li gel Siûdiyê em li ser xetê ne. em ji bo berevanî kirina li xwe û hevpeymanên xwe yên li navçeyê bi kiryarî jî dudil nabin. ‘’