Di peyama 35 federasyon û komele û rêxistinên Kurdistanî yên li derveyî welat de hatiye diyarkirin: “Di rojên 22-23ê Tîrmeha 2023an de li bajarê Lozanê yê welatê Swîsreyê, ji aliyê KNK û hinek aliyên din, li jêr navê Kurdistanê, konferansa 100 saliya Lozanê hat lidarxistin. Em hemû çalakiyên ji bo dijrawestin û şermezarkirina Peymana Lozanê bilind dinirxînin, lê belê em hewldana parçekirina zêdetir a neteweya me bi tundî red dikin û li dijî wê radiwestin.”
Her wiha hat ragihandin: “Di demekê de revenda Kurdistanî û komele û rêxistinên din ên Kurdistanê li bajarên Cinêv û Lozanê yê Swîsreyê, xwepêşandan li dijî 100 saliya peymana Lozanê li ber baregeha Neteweyên Yekgirtî birêve bir, Ala Kurdistanê bilind dikir, di heman demê de, li konferansê Ala Kurdistanê wek tenê ala Başûr dihat nîşandan, alayên din ên partiyan bo Bakur û Rojava û Rojhilat hatibûn destnîşankirin.”
Navendên Kurdistanî yên li derveyî welat diyar dikin: “Bi sed hezaran Kurd û Kurdistanî, wek Pêşmerge di bin wê alayê de canê xwe feda kirin û bûn qurbanî, alayek ku bi xwîna keç û xortên Kurdistanê yên li her çar parçeyên Kurdistanê hatibe nexşandin û sembolek be ji bo azadî û serxwebûn û berxwedan û xwenetewandin, bi vê cûreyê sivikatî lê were kirin û wek alaya tenê beşeke welat were nîşandan, cihê qebûlkirinê nîne û em bi tundî li dijî wê radiwestin, ev cûre kiryarên ne netewî, îsbata wê yekê ne ku armanc jê zêdetir veqetandina Kurdan e, ne wek komkirin û dakokîkirina li gelê Kurd û Kurdistanê.”
Di beşeke din a peyamê de behsa wê yekê jî hatiye kirin ku bikaranîna peyvên "gelên Kurdistanê" nîşaneyeke zelal e ji bo wek cuda nîşandan û parçekirina Kurdistanê.
Her wiha komele û rêxistinên Kurdistanî ku navên wan li jêr hatine nivîsandin, vê cudakariyê şermezar dikin, wek beşek ji "pîlangeriya nehezan û dagirkerên Kurdistanê dibînin", ji ber ku Ala Kurdistanê tenê bi Başûrê Kurdistanê ve girêdane, tekezî li ser wê yekê jî dikin ku "nîşaneyeke zelal a dabeşkariyeke din a Kurdistanê ye bi destê wan aliyan, ku ji aliyê Kurdistaniyan û xemxurên netewe û niştimanê ve cihê qebûlkirinê nîne".
Navên navendên Kurdistanî yên derveyî welat:
Konfederasyona Revenda Kurdistanî (30 navendên revenda Kurdistanî)
Federsyona Komeleyên Kurdî li Norwecê
Federasyona Komeleyên Kurdî li Swêdê
Federasyona Komeleyên Kurdî li Almanyayê
Komeleyên Kurdistanî li Ewropayê
Federasyona Navdewletî ya Komeleyên Kurdî yên Yekîtiya Sovyeta Berê (Qirgizistan)
Platforma Kurdan li Hamburgê
Komeleya Dostaniya Kurd û Almanyayê li Berlînê
Komeleya Yekbûna Kurdan li Awustralyayê
Revenda Kurdî li Diyasporayê – Yûnanistan
Komeleya Xoybûn – Bonn
Revenda Kurdistanî – Wolfsburg
Encûmena Kurdan li Almanyayê
Peymangeha Kurdnasiyê
Navenda Kurdî bo Geşepêdanê
Hevpişta Jinên Kurd li Sûriyê
Bisîkletsiwarên Kurd li Fînlandayê
Yekîtiya Jinên Kurdistanê li Almanyayê
Komeleya Karkerên Kurdistanê li Swîsreyê
Yekîtiya Jinên Demokrat ên Kurdistana Îranê
Encûmena Navenda Kurdan li Almanyayê
Bazneya Dostaniya Kurd li Belçîkayê
Komeleya Rewşenbîrî û Hunerî ya Kurdî li Swêdê
Komeleya Kurdên Kazaxistanê / Berbang
Komeleya Dostaniya Kurd û Rûsyayê / Aras
Komeleya Kurdên Qirgizistanê / Medya
Komeleya Dostaniya Kurd û Rûsyayê li Essentukî / Qefqas
Komeleya Saziya Lalês li Krasnadar
Komeleya Hevpiştiya Kurd û Rûsyayê li Moskowê
Komeleya Kurdên Almanyayê li NRW e. V
Encûmena Êzidiyên Sûriyê
Rêxistina Jinên Azad ên Kurd li Sûriyê
Komelgeha Êzidî – Ewropî
Navenda Laliş li Almanyayê
