Sekreterê NATO: Fikarên Tirkiyê rewa ne

Stoltenberg di serdana Fînlandîya de da zanîn ku ew ser fikarên Tirkiyê danûstandinê dikin.

Swêd û Fînlandîya bi şerê Rûsya û Ukrayna re giranîya xwe dan ser endamtiya NATO, lê Tirkiye heta niha jî li dijî daxwazên her du dewletan e.

Tirkiye dibêje Swêd û Fînlandîya çekdarên Kurd dihewînîn û piştgirîyê didin wan.

Sekreterê Giştî Stoltenberg da zanîn ku fikarên Tirkîyê ser terorîzmê rewa ne.

Stoltenberg diyar kir ku ti hevalbenda NATO bi qasî Tirkiyê bi terorê re rûbirû nemaye û got, divê ew fikarên wî welatî fam bikin.

Wî got ku danûstandinên bi Tirkîyê re dom dikin, lê negot ka danûstandinên wan gihîştine kuderê.