AK Partî: Xelk ji ber du sedeman ji me aciz in

Alîkarê Serokê AK Partiyê Mehmet Ozhasekî ragihand ku wan li bajarên Antalya, Enqere, Edena, Stenbol û Mersînê rapirsiyek kirine û ji beşdarbûyan pirsa “hûn çima ji AK Partiyê aciz in?” kirine.

Li gor encamên rapirsiyê, sedemên serekî yên acizbûna xelkê ji AK Partiyê “koçberên Sûrî” û “qeyrana aborî” ne.

Li Stenbolê di rêza yekem de “koçberên Sûrî” û di rêza duyem de “qeyrana aborî” derketiye. Li Enqerê jî di rêza yekem de “qeyrana aborî” û di rêza duyem de “koçberên Sûrî” derketiye.

Mehmet Ozhasekî dibêje, xelk dîsan ji AK Partiyê bi hêvî ne û gotine AK Partî dikare van pirsgirêkan çareser bike.

Ozhasekî herwiha got, li 5 bajaran pirsa hilbijartina serokkomariyê jî kirine û rêjeya dengên Recep Tayyip Erdogan di jor %50 de ye.