Artêşa Tirkiyeyê êrişî çeperên YPGê kir

Li gorî ragihandina medyaya tirk Artêşa Tirkiyeyê ji navçeya Reyhanliyê ya Hatayê, çeperên YPGê yên li Efrînê topbaran dikin.

Ajansa ANHAyê jî eşkere kir ku topên ku hatine avêtin li nava erdên çandiniyê û li ser van giran ketine û li ser vê yekê şervanên Yekîneyên Parastina Gel (YPG) bi çekên nîvgiran bersiv dane baragehên ku topan jê davêjin.

Erdogan derbar Mertala Firatê de axivî û wiha pê de çû: "Me bi vê operasyonê nehîşt ku korîdora terorî ava bikin. Me bi operasyona Idlibê, baskê rojava yê korîdora terorî şkand. Eger terorîstên li Efrînê teslîm nebin, em ê wir di serê wan de bînin xarê. Sozên ji bo Minbicê ji me re hatin dayîn bicih neynin, dê em bi xwe navika xwe bibirin. Heta hefteyeke dê bibinin em çibikin."