Di navbera hêzên Tirk û YPG'ê de pevçûn derket!

Li gorî ragihandina çavkaniyên ku nêzikê YPG'ê ne, li gundê Zormixarê yê ser bi Kobanî ve şer û pevçûn di navbera Yekîneyên Parastina Gel (YPG) û hêzên artêşa Tirkiyê de derket.

Bi gotina vê çavkaniyê, hêzên dijbereyê yên li wê derê, yên Mertala Ferat in, li rojavayê Çemê Ferat bicih bûne û Tirkiye piştgiriya wan dike.

Li gorî heman çavkaniyê, mebest ji vê topbaranê ew e ku navçeyên derdora Ferat ji xelkê vala bibin.

Gundê Zormixarê bi 35 kîlometreyan dikeve rojavayê bajarê Kobanî, raserî bajarê Cerablusê yê ku ji salekê ve, li bin kontrola artêşa Tirkî ye.