HDP: Operasyona Efrînê dê deriyê li ber derbeyê veke

Peyvdarê HDPê Ahyan Bîlgen got, biryara Trump ya derbarê Orşelîmê û helwesta Tirkiyê ya hember Efrînê dişibin hev û Tirkiye dixwaze vê yekê ji bo bêdengkirina aliyên siyasî bikar bîne.

Da zanîn, Efrîn bo ewlekariya Tirkiyê ne kêşe ye. Lê heger Tirkiye şaştiyeke mezin bike û operasyona bejahî encam bide, dê siyaseta navxweyî ya Tirkiyê serûbin bibe û rê bide derbeya serbazî.

Bîlgen got, heger hin alî pir dilxwazê operasyonê ne û zext û bandorê li Erdogan dikin, divê bê zanîn, ew kes amadekariya derbeya serbazî dikin.

Demek e rayedarên Tirkiyê, gefa destpêkirina operasyonekê li dijî Efrînê dixwin û desthilatiya PYDê li Efrînê qebûl nakin. Arteşa Tirkiyê jî hêzên xwe yên li ser sînorê Rojavayê Kurdistanê zêdetir dike.