Ji Tirkiyê bo têkiliyên YPG û Amerîka daxuyanî!

Berdevkê Serokomariya Tirkiyeyê Îbrahîm Kalin di axaftina xwe ya kanala France 24'ê de got: "Amerîka serê pêşî ji me re got têkiliyên me bi YPGê re demkî ye piştî bajarê Reqayê hat rizgarkirin û rêxistina terorîst a DAIŞê hat şikandin em ê têkiliyên xwe bibirin. Operasyona Reqayê qediya divê êdî Amerîka têkiliyên xwe bi YPGê re bibire."

Îbrahîm Kalin di berdewamiya axaftina xwe de got: "Dibêjin hêza herî bi bandor a li hemberî DAIŞ'ê PYD/YPG ye. Eger Amerîka ev piştgirî bidana grûbeke din mesele wekî Artêşa Sûriyeya Azad (ASA), tirkmen an jî ereban dê baştirbûna û serkeftinên mezin bidestbixistana."

Kalin di dirêjiya axaftina xwe de got: "Ji destpêkê ve endîşeya me ev bû ku bi însanên şaş re ev kar hat kirin. Li Sûriyeyê pozîsyona me ya sereke nabe ku hûn PYD/YPG'ê meşrû bikin. Ji bo ku ev hêz şerê DAIŞ'ê dike meşrû nabe."