Li 23 bajarên Bakur û Tirkiyê operasyona dijî DAIŞê

Li gor agahiyên ku ji bo raya giştî hatine ragihandin, polês û îstixbarata Tirkiyê operasyon li dijî endam û piştgirên rêxistina DAIŞê lidar xistiye.

Di operasyonên ku hemdem hatine lidarxistin de, li 123 navnîşanan 74 kes hatine desteserkirin. Operasyonên desteserkirina gumanbarên din berdewam dike.

Dîsa di daxuyaniya hêzên ewlehiya Tirkiyê de hatiye ragihandin ku di operasyonan de çek û belgeyên rêxistinî hatine desteserkirin û diyar bûye ku di bin navê pirtukxaneyê de, ji bo piştgirî û perwerdehiya DAIŞê alîkarî hatine komkirin da ku ji bo Sûriye û Gurcistanê bên şandin.