Li Mêrsînê êrişa bombeyî

Li gorî zanyariyên berdest, îro berê sibehê li navçeya Mezîtlî ya Mêrsînê li dijî wesayîta polîsan êrişeke bombeyi pêk hat. Di encama êrişê de du polîs birîndar bûn.

Êrişî li dijî wesayîta polîsan îro berê sibehê seet li 07.30an li xaçerêya Tece ya navçeya Mezîtliyê pêk hat. Kesekî nasname nediyar teqemenî avête wesayîta polîsan a li xaçerêyê û paşî bi wesayîteke din reviyan.

Di êrişa teqemenî ku hê cinsê wê diyar nebûye de 2 polîsên girêdayî Midûriyeta Ewlehî ya Mêrsînê birîndar bûn. Polîsê birîndar bi ambulansan rakirin Nexweşxaneya Fakulte ya Zanîngeha Tibê ya Mêrsînê. Li gorî çavkaniyên herêmî ji bo girtina êrişkaran operasyoneke berfireh tê lidarxistin.