Serdana Serokwezîrê Tirkiyê bo Kurdistan û Iraqê hat paşxistin

Biryar bû serokwezîrê Tirkiyê Bînalî Yildirim îro û sibê serdana Iraq û Herêma Kurdistanê bike lê hat gotin ku serdana wî hatiye paşxistin.

Derheqê sebebên paşxistina wê serdanê de çavkaniyekî nêzîkî hikûmeta Tirkiyê ji BasNewsê re got, him xebatên komîsyona amadekirina serdanê xilas nebûye him jî hinek kêşeyên tenîkî hebûn lê hemû hatine çareserkirin.

Li gorî agahiyên wî jêderî, Bînalî Yildirim dê roja 8 vê mehê serdana Herêma Kurdistanê bike.

Hat zanîn ku Yildirim dê roja 7 vê mehê serdana Bexdayê bike û şeva heman rojê derbasî Hewlêrê bibe û roja 8 mehê bi Serokê Herêma Kurdistanê Mesûd Barzanî re hevdîtin bike.