Tekîrdag: 7 kes bi hinceta PKKyê hatin girtin

Roja sêşemê li bajarê Tekîrdagê, bi fermana Serdozgeriya Komarê bi hinceta “endamtî û propagandaya rêxistinê” 15 kes hatibûn desteserkirin.

Beşek ji kesên destserkirî rêveberên bajar û navçeyên Tekîrdagê yên DEM Partiyê bûn.

Li gorî zanyariyan, duh karûbarên yasayî yên derbarê her 15 kesan de li Dadgeha Tekîrdagê temam bûne û dadgehê 8 ji wan bi mercê kontrola edlî berdane û derbarê 7 kesan de jî biryara girtinê daye.

Hat ragihandin, ji 7 wan kesên ku biryara girtina wan hatiye dayîn 6 kes rêrveberên bajar û navçeyên Tekîrdagê yên DEM Partiyê ne û piştî biryarê ew birine Girtîgeha Tekîrdagê.