YSKê lîsteya demkî ya berbijêran belav kir

Desteya Bilind a Hilbijartinên Tirkiyê (YSK) lîsteya berbijêrên demkî eşkere kir. Di hilbijartinê de 24 partiyên siyasî û 152 berbijêrên serbixwe dê bikevin rîkeberiyê.

Desteya Bilind a Hilbijartinên Tirkiyê ji bo hilbijartinên giştî yên ku dê di 14ê gulanê de bên kirin lîsteya berbijêrn demkî eşkere kir. Li gorî vê; di hilbijartinan de 24 partî û 152 parlamenterên serbixwe dê bikevin hevrikiyê.

Di daxuyaniya YSKê de ev agahî hatin dayîn:

1-Biryar hat dayîn ku ev 24 partiyên siyasî yên navborî dê beşdarî hilbijartinên Xula 28emîn a Parlamentoyê bibin ku di 14ê Gulana 2023an roja Yekşemê de bê kirin.

2-Li seranserê Tirkiyê 152 berbijêrên serbixwe yên bo parlamentoyê hene û biryar e paşê rêza wan a di lîsteyê de bi pişkêşanê were diyarkirin.

Biryar e lîsteya pêvekirî ku tê de 24 partiyên siyasî yên navborî û 152 namzetên serbixwe tê de hatine pêşkêşkirin, di metna vê biryarê de cih bigire.