DAÎŞ’ê elektrîk ji ser Kobanî biriye

Ev bû çar-pênc roj bajarê Kobanî yê Rojavayê Kurdistanê di tariyê de djiî, piştî ku çekdarên Dewleta Îslamî ya Iraq û Şamê (DAÎŞ) dest danîn ser bendava Tişrîn ya ku elektrîkê dide bajarê Kobanî û elektrîk bi temamî ji ser birî.

Çavkaniyekê ji rêveberiya elektrîka Kobanî got: “DAÎŞê ferman da fermanberan da elektrîkê ji ser bajar bibirin.” Ev kar di demekê de ye ku çekdarên DAÎŞ’ê dest danîn ser derdora bendava Tişrîn ya ser rûbara Firat (70 km bakûrê Kobanî).

Berî niha jî DAÎ’Şê ava vexwarinê ji ser bajarê Kobanî birîbû, herwiha dorpêçeke giran jî bi ser de sepandibû û rê ne dida ku xawrin û derman derbasî nav bajar bibin û her kesî ku ev biryarên wê bi cî nekiriba ew digirtin.