Dijeterorê Kurdistanê: Droneke Tirkiyeyê li Şingalê çekdarên PKKê kirin armanc
Dijeterora Herêma Kurdistanê ragihand, dronke Tirkiyeyê komek çekdarên PKKê li Şingalê kiriye armanc û di encamê de berpirsek hatiye kuştin û pasewanek jî birîndar bûye.
Dijeterora Herêma Kurdistanê belav kir, duhî êvarê demjimêr 17:30, droneke Tirkiyeyê, komek çekdarên PKKê li nêzîkî gundê Zerka yê li rojavayê Şingalê kir armanc.
Li gor daxuyaniya Dijeterora Herêma Kurdistanê, di êrîşê de berpirsekî hewalgiriya PKKê hatiye kuştin û pasewanek jî birîndar bûye.
Li gor amarên dawî, heta nîvê Tebaxa 2023an, 274 gund li parêzgeha Dihokê û 47 gund li Îdareya Serbixwe ya Zaxoyê ji ber şerê di navbera artêşa Tirkiyeyê û çekdarên PKKê de vala bûne.
