Îsraîl bi moşekan êrişî Şamê kir
Li gor nûçeya SANAyê ku dispêre artêşa Sûriyeyê, balafirên Îsraîlê eniyên leşkerî yên li herêma El Katîf a nêzîkî Şamê bombebaran kirin.
Televîzyona dewleta Sûriyeyê ya fermî (SANA) di nûçeya xwe de ku dispêre artêşa Sûriyeyê ragihand ku balafirên Îsraîlê 3 moşek avêtin eniyên leşkerî yên li herêma El Katîf a nêzîkî Şamê.
Li gor daxuyaniyê, pergala parastina hewayî ya Sûriyeyê balafireke aîdî Îsraîlê xist û moşekên ku hatibûn pekandin îmha kirin.
SANAyê di berdewamiya daxuyaniya xwe de got: \"Balafirên Îsraîlê pêşî ji qada hewayî ya Libnanê moşek avêtin. Piştî ku balafirekê derb xwar vê carê ji Çiyayê Golanê êriş hat kirin, lê ev moşek ji aliyê pergala parastin a Sûriyeyê ve hatin îmhakirin. Herî dawî Îsraîlê ji sînorê xwe moşek pekandin yek ji van moşekan jî hat îmhakirin, lê yên din zirara aborî çêkirin.\"
