Li Îranê êrişî qebrê hate kirin: Kuştî û birîndar hene!
Li bajarê Şîrazê yê Îranê erîşî qebrekê hate kirin. 2 kes hatine kuştin, 2 kes jî birîndar in.
Li gorî Ajansa Fermî ya Îranê îro derora saet 19.00an, êrişî Qebra Şah Çiraxê ya li Şîrazê hate kirin.
Hat ragihandin ku di êrişê de gule li 4 kesan ketine.
2 peywirdarên qebrê yên ku gule li wan ketine mirine, 2 kesên ku ji bo serdanê çûbûne qebrê jî birîndar in.
Li aliyê din, berpirsekî qebrê da zanîn ku rewşa birîndaran xerab e û hejmara kuştiyan ne diyar e.
Herwiha Çiriya Pêşîn a 2022an jî DAIŞê erişî heman cihî kiribû.
Di êrişa DAIŞê de 13 kes hatibûne kuştin û herî kêm 20 kes jî birîndar bûbûn.
