Li Mereş û Hatayê erdhej
Serokatiya Rêveberiya Karesat û Rewşên Bilez (AFAD) ragihand ku li navçeya Bazarcixê ser bi parêzgeha Mereşê ya Bakurê Kurdistanê, bi hêza 4.1 pile erdhejek çêbûye ku kûrahiya wê 10.49 kîlometre bû.
Piştî erdheja 6ê Sibatê ya Mereşê, li Bakurê Kurdistanê û Tirkiyê erdhejên paşekî berdewam in.
AFADê ragihand, îro 23ê Sibatê li navçeya Bazarcixê ya Mereşê û li navçeya Antakyayê ya Hatayê erdhej çêbûne.
Erdheja Bazarcixê demjimêr 06:23 bi hêza 4.1 pile û kûrahiya 10.49 kîlometre çêbû. Li Antakyayê jî demjimêr 04:42 bi hêza 4.3 pile û di kûrahiya 7.18 kîlometreyan de erdhejek çêbû.
Piştî erdheja 6ê Sibatê zêdetir ji 17 hezar erdhejên paşekî çêbûne ku ya herî mezin bi hêza 6.4 pile li Hatayê bû.
