Li Xarpêtê qeza: 13 kes birîndar bûn
Li navçeya Kebanê ya Xarpêtê ya Bakurê Kurdistanê mîdîbusek ji rê derket û ket qenala avê, 13 kes birîndar bûn.
Li gor agahiyan, êvarê li ser rêya gundê Çakmakê mîdîbusek ji rê derketiye û ketiye qenala avê.
Di encamê de 13 rêwiyên ku di mîdîbusê de bûn birîndar bûne.
Li ser agahdarkirinê, tîmên tendurstiyê, tîmên parastina sivîlan û polîs çûn cihê bûyerê.
Birîndar bi ambulansan birin nexweşxaneyên Xarpêtê.
