Netanyahu li ser kuştina Xamineyî axivî: ‘Çi pêwîst be em dê bikin’
Serokwezîrê Îsraîlê Benjamin Netanyahu amaje bi kuştina Elî Xamineyî da û got, “Çi pêwîst be em dê bikin.”
Benjamin Netanyahu civîneke medyayî saz kir û amaje bi kuştina Rêberê Dînî yê Îranê Elî Xamineyî da.
“Çi pêwîst be em dê bikin”
Netanyahu amaje pê kir ku ew dikarin suîqestekê pêk bînin û got:
“Ez li pêşberî raya giştî qala hûrgiliyên plana me nakim lê çi pêwîst be em dê bikin.”
Serokwezîrê Îsraîlê her wiha got, “Me asmanên Tehranê kontrol kirine” û diyar kir ku wan sîstemên radarê û nîvê dronên Îranê jî ji holê rakirine.
Wî bi bîr anî ku wan li avahiya Televîzyona Dewletê ya Îranê xistiye û ew dê hinek êrişên xwe yên din jî eşkere bikin ku wan îro pêk anîne.
Li gorî gotina Netanyahu, wan heta niha 10 zanayên atomî yên Îranê kuştine û wan bi awayekî dijwar êrişî Tesîsa Nukleer a Netenzê jî kiriye.
Benjamin Netanyahu, ji ber piştgiriya ku dide spasiya Serokê Amerîkayê Donald Trump kir.
